التقليم من الأشياء اللي ممكن فعلا تكون جدا سهله مع التدريب والخطوات الصحيحة .
يفضل البدء بالتدريب وهي بعمر الأشهر لأنها تكون أسهل من تدريب القطط الكبيرة..
المرحلة الأولى تكوين صداقة بين يدك ويد قطتك:
وهذي النقطة حتى تتعود القطة على المسك ليدها وماتقاوم ..
مهم يكون المكان جدا هادئ ومايكون فيه حركه تلفت انتباهها ،
في امسك القطة حضنك او قرب منها على الأرض وامسك يدها بلطف بدون ضغط وعد لثلاثه واتركها .
وكرر العملية لكن مع مساج خفيف لمنطقة الدوائر الي تكون تحتها الأظافر ونفس الشي عد الثلاثة واتركها وبعدها أعطها تريت القطط اعد الحركة مع الضغط على الدائرة حتى يطلع المخلب وتشوف شكله لكن اذا أظهرت القطة اي مقاومه اتركها واعطها التريت ..
كرر العملية كل يوم أو يومين لحد ما تكون القطة مرتاحة للمسك وضغطك على طرف يدها وتكون تعرفت كل الأظافر .
المرحلة الثانية تكوين الصداقة مع المقص
المقص الخاص بالقطط و هذا شكله
القطة ممكن تخاف من صوت القص وتكش فمره يساعد لو تتعود على صوته وشكله وريحته .
عشان تتعود على الرائحة حط تريت فوق المقص واتركها تاكل التريت منه .
وبالنسبة للصوت ، باستخدام مكرونة اسباغيتي غير مطبوخه خذ المقص وقص الاسباغيتي حتى تتعود على الصوت لأنه يشبه صوت تقليم مخلبها .
بعد ماتتعرف على الصوت امسك يدها واضغط حتى يخرج المخلب لكن قص طرف الاسباغيتي واترك يدها ومباشرة قدم لها التريت .
كذا بيرتبط الصوت عندها والضغط مع سعادة التريت
* ذكرت التريت في الموضوع السابق وهو أكل تحيه القطط ويكون جاف غالبا وهذا اللي أعطيه لقططي*
وأخيرا وصلنا لمرحلة القص القص يكون فقط للجزء الأبيض من الظفر ، أما الجزء الوردي فهو مكان العروق انتبه لا تقترب منه . صورة توضيحية :
امسك يد القطة ويفضل أن تكون بحضنك لكن بدون ماتتركها تشاهد العملية ، واضغط على اليد وبعناية شديدة قص طرف المخلب ثم اطلق يدها وأعطها التريت. وكرر العمليه لبقية المخالب.
يفضل قض اظافرها اكل اسبوعين تقريبا لذلك من المهم جدا انك تبذل مابوسعك لتعويدها على الهدوء وقت القص حتى تعيشون بسلام وبدون مخالب لبقية الأيام السعيدة
العناية بالقطط 